طبعا كلنا بنعصر علي نفسنا لمون كل يوم


لو زوجك كلمك بأسلوب مش تمام لازم تعصري علي نفسك لمونه وتردي عليه بأدب واحترام وانتي من جواكي هتموتي


لو اتهمك بالتقصير لازم طبعا تقوليله لا يا حبيبي مقصرتش انا كنت مشغوله بالاولاد والبيت والطبيخ والمسح وترتيب الدولاب ومكالمه والدتك وكوي ملابسك وتجميل نفسي وتجهيز العشاء ومذاكره الاولاد
بس



طبعا لو فكر يتعشي برا وانتي تعبانه بتعصري كيلو لمون

هلبس ايه
انا مش قادرة
انا طبخت العشاء خلاص
مش كان يقولي من قبلها
طيب واخرج وانا تعبانه كدا
ولوفكر يبص لك تقوليله لحظه واحده اكون جاهزه
وطبعا لو فكر يعاملك برومانسيه قدام اهلك او اهله ورمانسيته محصلتش قبل كدا ابدا
يضربك بوكس هزار
يديكي شلوت كدا ويقولك مزح
في الحاله دي عاوزه شجره لمون عشان تضحكي وتبتسمي ومتبقيش نكد

ويا سلام لو بيلاعب الاولاد وبيكسر في اللعب بتاعهم

وانتي يا سلام تتظاهري بالرومانسيه وانتي عينك علي اللعب الي بتكسر والشقه الي بتتبهدل
هوا شغال تكسير
وانتي شغاله عصر لمون

ولو فكر يدخل المطبخ ويطبخ لك عشان يريحك
وخدي بالك من كلمه يريحك دي اوي
يدخل يخبط ويحرق ويكسر
وفي الاخر طالع لك بكوبايه عصير برتقال
وترك المطبخ فله

انتي برا بتبقي هتتجنني وتشدي في شعرك بس وماله اعصري اعصري
ويا سلام لو طلبتي منه طلب وهو جاي لازم تعصري كويس
عشان تقوليله حبيبي بعد اذن جلالتك تتكرم علينا وتجيب لنا طلبات للبيت
انا بزعجك
انا عارفه اني تقلت عليك
وهو اصلا مبيعملش حاجه خالص
وكتر خيرك انك بتأكليه في البيت

والمفاجأه بقا لو جاب لك حيوان يسليكي في البيت
انتي بتقرفي منه وبتترعبي

وتقوليله يا جماله ايه العسل دا
ماشاء الله
دي هيقعد معانا في البيت علي طول
اعصري يا اختي اعصري

حسا بيكي ومجربه
الرجاله دي بصراحه متوصفتش
ومش عارفه ياتري هما بيبقوا حاسين باللمون الي بيتعصر دا
ولا عاملين نفسهم مش فاهمين


اسيبكم بقا واعصر لمونتين
للامانه منقووووول بس كلام صحيح ميه بالميه
بس اللي مخلص عندها الليمون تعمل ايه هههه

ههههههه

رووووعة تسلمي لموسة

على الاختيار الجميييل

هههههه

صح كلامك صحيح اضحكتيني اضحك الله سنك و جعل ايامك افراح

بارك الله فيك

ههههههههههههه
لو يعرف كمية الليمون اللى بتعصر ما كان زعلها ابدا بدل ما يدفع مرتبه فى الليمون و لو ذكى شوى ما يشترى ليمون ابدا ومش عارفة وقتها هتعمل ايه اهو على الاقل هيكون ريحها من تعب عصر الليمون
اضحكتينى يا لموسة اضحك الله سنك

ههههههههههههههههه

حلوة عصرة الليمون هذه

مشكووورة

هههههههههههههههههه  ضحكتيني كتير
كلامك صح الله يوفقك على النقل