لتقليل الحيرة عليكم اخواتي تم بفضل الله وضع برنامج للمسابقة يتضمن الجوانب المختلفة لحياة الام والطفل في الغالب البرامج منقولة من مواقع اخر لكن قمنا ببعض التعديلات لتبسيط الامور هيا بنا نبدا
البرنامج خاص بالطفل يتضمن
1- حفظ قران
2- تعليم سلوك ايجابي او رفض سلوك سلبي
3- تعلم الحروف العربية بطريقة مميزة
4- تعلم الارقام والحساب بافضل الطرق
5- تنمية مهارات الطفل وذكائه
6- برنامج غذائي متكامل شامل اوقات النوم والراحة

مهما كان عمر طفلك لا تقولي ابني صغير علي هذه الاشياء ولكن كلما بدات باكرا كان افضل

الادوات المطلوبة

كراسى بعدد الاطفال اللى عندك وترابيزات صغيره(او اتصرفى انتى بقى)

سبوره (مهممممممممممممممممممممممممممممممممممممممممممممممه جداااااااااااااااااااااااااااااااااااا)

قصص مناسبه لسن الطفل بها صور ملونه)

كتاب الحروف وكتاب الارقام من 1 الى 10(ب 2 جنيه)

مكعبات بها الحروف والارقام( ب2.5جنيه)

كراستين للاطفال اللى فوق اربع سنين


2-الاستعداد النفسي

هناك استعداد نفسي لابد ان تقوم به الام مع الطفل يعنى لو طفلى الفتره الى فاتت مش بيذاكر او مش بيعمل انشطه
لو طفلى اغلب الوقت تلفزيون وكمبيوتر
لو طفلى شقاوه ودوشه دول انهار وزن
وجيت فجاه انفذ معاه برنامج ونظام طبعا مش هيستجيب نهائى لان عقله وحواسه فحاله خمول
لازم الفتره دى انشط حواس وذهن الطفل
اعيد ترتيب وشكل اليوم بتاعه
اقلل تعلقه بالكمبيوتر والتلفزيون
1-العقل السليم فالجسم السليم -- ههتم بغذاء الطفل يكون فيه كميه فواكه وخضار طازه والبروتين سواء النباتى او الحيوانى والاسماك مهمه لذكاء الطفل
-اقلل كميه الحجات الحلوه والشيبسيهات بين الوجبات لان كلها مواد ضاره احاول استبدلها بمكسرات او كيكات منزليه فيها موا\د مفيده زى الجزر وعين الجمل او الموز وكلها مواد بنتنشط 2ا
-اهتم بالسوائل فتره النهار ولازم كبايه لبن كبيره وممكن اضيفله سنه كاكاو او فانيايلا او اى فاكهه

2-هشغل وقت طفلى الباقى بانشطه والعاب مختلفه عشان تقلل تعلقه بالتلفزيون والكمبيوتر وتهيأ حواسه للمذاكره بعد كده
ودى انشطه نوعو بينها
والى عندها انشطه مختلفه ياريت تضيفهالنا
-قراءه قصه او حدوته فكتاب ياريت يبقى عندك حدوتين للطفل عاديين ملونين واسعارهم مناسبه وفى دلوقتى حواديت تفاعليه حلوه فيها بزل
او ستيكر او ازرار يسمع منها اصوات الشخصيات وحجات كتييييره ممتعه للاطفال الى مش بتحب الكتب دى اهم حاجه تحبب طفلك فالكتب لازم يبقى على الاقل عندك 2 وكل كذا شهر ممكن تشتريلو واحده جديده
اهم حاجه اختار حاجه مناسبه لسن طفلى
الاطفال الاصغر من تلاته اختار حدوته صورها كبيره جدا والجمل الى فيها قصيره وبخط كبير مش العكس
الاطفال الكبر من تلاته بلاضافه للحواديت الى صورها كبيره هيحبو ميكى

3- الرسم سواء على ورق او سبوره او فى كراسه طب لو طفلى مش بيحب الرسم ممكن احببه فيه بانى امسك لون شمعى وهوا لون شمعى واطلب منه يرسم زىى
او ارسم اشكال ناقصه حجات وهوا يكملها زى عربيه وهوا يكملها العجل او شجره يرسملها التفاح
او نرسم سوا حدودته صغننه كده كروكى واحنا بنحكيها بتبقى ممتعه جدا للطفل وهيشاركك شويه شويه فرسم الاحداث معاكى


6-اللعب بالماء من اكتر الحجات الى ممتعه للطفل سواء فى الحمام اثناء الاستحمام او فلبلكونه اجهز للطفل
اجهز للطفل اوعيه مختلفه ينقل بينها الميه مصفاه هيحب شكل خطوط الميه بينزل منها مسدس ماء اى العاب مختلفه
وان شاء الله هنزل العاب ماء كتير ممتعه ومفيده للطفل

7-العاب حركيه
سواء رياضه جرى استغمايه لعبه الكراسي تقليد الحيونات ووسائل الموصلات القفز لان كل دى بتنشط ذهن الطفل وتفرغ طاقته الحركيه



8-الالعاب الذهنيه الشفويه زى العاب التخميين اقول مواصفات حاجه حيوان او فاكهه واطلب من طفلى يخمنها او اوصف حاجه فلاوضه واطلب منه يعرفها او يشاركنى فحكايه حدوته والطفل خياله خصب يعنى لو بدأتى تحكى شويه من اى حدوته هوا ميعرفهاش اخترعى انتى اى حدوته صغننه وقولى لطفلك وبعدين حصل ايه وهكذا هتلاقيه بيكمل معاكى بناء الحدوته


9- العاب التركيب والمكعبات والبازل من احلى الالعاب الى ممكن تتشاركيها مع طفلك وبتعرفه على الالوان والاشكال وبتنمى ذكائه ويفضل تحتفظى بلالعاب دى بعيدا عن عين طفلك عشان ميملش منها ويلعب بيها وتشيليها تانى


10-الحكايات المجسمه سواء باستخدام شخصيات واشياء من العاب طفك او بواسطه دمى ورقيه صغننه تعمليهالو وتحكو بيها احداث ويشاركك الطفل فتحريك الشخصيات وممكن كمان العرايس القماش الى بتتلبس فلايد او الصوابع والشخصيات الناطقه دى ممكن تعلمى بيها طفلك اى سلوكيات تحبي انه يعملها لان الطفل بيحب يقلد الشخصيات الكارتونيه والدمى

11-ساعه فديوهات مفيده لطفلك او موقع العاب وهنزل منهم كتير كل اسبوع هتعلم طفلك حجات كتير


12- دفاتر التلوين ولازم تكون تفاصيل الصوره قليله يعنى الصور المعقده الى تفصلها كتير فالسن ده طفلى هيرفضها الالوان شمع طرى لاصغر من تلاته وخشب نوع حلواشارك طفلى الاول فى التلوين عشان احببه فيه


13-اخلى طفلى يساعدنى فاعمال بسيطه فالمنزل زى تنضيف الاسطح بماء وماء ورد منخليش الطفل يتعرض لاى منظفات ابببببببببببدا او ترتيب العابه او تجميع فرد الشرابات المتشابهه او رص الادوات البسيطه عند الاكل او يساعدنى فعمل كيكه بسيطه او يحط الفاكهه فالجلى او يجهز معايا الوجبه بتاعتو او اى خطوات بسيطه

14-انشطه القص واللزق اجمع للطفل اى قطع او سترايس او جليتر او ستيكر او ورق ملون او صور من كتب قديمه وصمغ وسطح يلزق عليه ده من اكتر الانشطه المحببه للطفل

وبكده هلاقى انى شغلت وقت طفلى طول اليوم بحجات مفيده
لازم اعرف ان نفسيا طفلى مش بيستحمل انشغالى عنه اكتر من ساعه متواصله وان قعاده قدام التلفزيون والكمبيوتر اكتر من ساعتين بيقلل ذكائه وقدراته ومهاراته



اولا :القران الكريم
س ازاى اعلم ابنى يحفظ القرأن بسهوله له ولى


اولا: اخلاص النيه لله
ثانيا: تعلمى تقرأى القرأن صح(اسمعى السوره الاول من اى شيخ تحبى صوته وافضلهم الحصرى للتعلم من وجهه نظرى)
هابدأ اقعد وابنى يقعد على مقعد
واضع علبتين او سبتين (حسب ما يتاح لكى) علبه بها عشر مكعبات او اى شىء يعد والتانيه فاضيه

واقرأ السوره وليكن سوره الصمد(قل هو الله احد)

وبطبعا ابنى اللى عمره ثلاث سنوات مش هايرد ورائى او حتى يأخذ باله منى بقول ايه
عااااااااااااااااااااااااااااااادى خالص بس اطلب منه بعد كل مره اخلص فيها السوره يضع مكعب فى العلبه الفاضيه

وده طبعا عشان اضمن وجوده على المقعد مايروحش هنا ولا هنا ويضطر يسمع صوتى (وصوتى يكون عالى وواضح وبطيىء)


حتى تنتهى العشر مكعبات


او ممكن ارسم على السبوره اللى قلنا عليها امبارح عشر رسومات مختلفه واقول له اختار رسمه نمسحها كل مره اقرأ فيها السوره (وده عشان لا يمل ويتركنى ويضطر لسماع القرأن اللى بقرأه)




وكررى العمل ده كل يوم لمده ثلاث او اربع ايام او حسب قدره ابنك على الحفظ

وبعد الاربع او سبع ايام هتلاقى ابنك حافظ السوره اكثر منك على الرغم انه لم يردد ورائك نهائى اثناء الحفظ


يعنى خمس دقائق منك كل يوم ممكن تدخلك الجنه وتنمى ذكاء ابنك وتلبسى تاج من نور يوم القيامه

ولاحظى كلما ابنك كبر فى السن الحفظ هايبقى اسهل بالنسبه له والوقت اقل بكثير


طيب ابنى حفظ عشر سور هارجع بقى معاه ازاى عشان ما ينسى اللى حفظه ده هانشوفه السبت القادم ان شاء الله

هذه مهام هذا الاسبوع اتمني ان نطبق كلنا من اليوم فهناك تقيم سيبدا من اليوم لكل للمشاركات

جميل جدا اعجبني كثير بس عندي سءال انا بنتي عندها سنتين و لساتها ما تفهم و لا تتكلم مليح كيف اعملها برنامج ممكن تفيديني؟

ما شاااااااء الله برنامج جميييييل و مكثف
الطفل ما راح يلاقي وقت للعناد
صح في الأول راح يكون صعب لأنه لم يتعود و هذا الأسبوع راح تكون نتائجه قليلة نوعا ما لكن مع الوقت راه يصير روتين و ينمو ذكاء الطفل أكثر و أكثر
برنامج القرآن رائع جدا و فكرة مزج الحفظ مع اللعب ممتازة
أم سونة, جزاك الله خيرا
وفقنا الله جميعا

كل كلامك اختي صح لاني انا بتجربتي مع ابنتي كنت مرة هكذا و مرة هكذا ولكن الحمد لله انا راضية على ماوصلت لهرغم عنادها في بعض الاشياء و لكن حسب سنها الحمد لله لا اريد ان اكثر عليكن حتى اضع قصتي مع ابنتي

اخواتي ارجو ان يكون الامر ميسر عليكم لم اشا ادراج انشطة اكثر لسهولة التطبيق فمهمة هذا الاسبوع هي ان احاول تحفيظ اولادي عدة ايات بسيطة كما في البرنامج وليس مهم انهم يحفظو الان المهم بذل الجهد وباذن الله النتيجة تظهر لاحقا وبالنسبة للادوات اعتقد ان اغلبها متوفر عندنا في البيوت ولكن يفضل ان يكون لديك عدة كتيبات صغير لتعليم الارقام والحروفوهناك كتيبات بها سلوكيات واخلاق في صور يقوم الطفل بالتلوين فيها وان كان اصغر من انه يلون يكفي انه يري الصور ويتعلم منها وبالنسبة للتجهيز الطفل نفسيا اتمني اننا نقلل وقت التلفزيون والكمبيوتر شوية بادخال احد الانشطة المذكورة في البرنامج ليس شرطا ان تكون كلها يكفي واحد اثنين علي كل مشاركة باذن الله فتح موضوع مستقل وذكر الخطوات التي قامت بها ويفضل وجود صور مفيش مشكلة مش مشكلة النتيجة دلوقتي المهم اننا نبذل جهد والله الموفق للخير
بالنسبة الي امس اشتريت لابني الوان خشب جديد ةو كراسة تلوين الارقام وهدية بسيطة وباذن الله اصورهم واصور الاشياء الاخري وادرجهم في موضوعي كمان بدات اقلل وقت الكارتون كان ساعة في اليوم او ساعتين قللتهم عن كدة تقريبا 3/4 ساعة او نصف ساعة طبعا بعذاب ومعاناة لكن الله يوفقنا
ارجو ان كان هناك مشكلة تواجه اي مشاركة ان تعرضها فهناك بدائل كثيرة
وهناك اقتراح بادراج نشاط محدد نقوم به كلنا فما رايكن

ممتاز جدا البرنامج أم سونة و رائع ما قمت به مع ابنك
أنا أصلا ما عندي تلفاز في البيت و بنتي ليست و لم أعلمها الكبيوتر هذا ما دفعني للبحث عن نشاطات تشغرلها لأنها كثيرا ما تحس بالملل
أم سونة ما رأيك بالصور اللي وضعتها في هذا الموضوع حول التشجيع على حفظ القرآن
http://www.omsoso.com/t376-topic?tt=1
أراها عملية جدا خاصة شجرة الثمار

نسيت أقول لك أن الرسائل الخاصة اليوم انجنت شوي
أكثر من مرة كتبت لك رسالة و لما أرسلها يروح كل شيء و ترجعني للصفحة الرئيسية للمنتدى

ام القمرين فضيت شوية رسايل من الصندوق ممكن ترسلي تاني
الصور جميلة والبرنامج رائع ما شاء الله

نفس المشكل أم سونة, يرجعني للصفحة الرئيسة للمنتدى و الرسالة بححححححح