تكففففن فزعتكن ابي حل لمشكلتي

تاريخ التسجيل : 03/01/2014

السلام عليكم اخباركن جميعا أخواتي
الموضوع من الآخر انو في صفه بزوجي ودي اتخلص منها يعطيني مصرف 500مايكفي شئ بهالزمن زي ماتعرفون المشكله مو بس بالمصرف المشكله انو أي شغله اطلبها منه يقول عطيني حقها ع اجيبها وبجد ضايقني وودي اتخلص من هالصفه فيه وضعه ماديا كويس يصفاله من راتبه ثلاثه صافي ومع ذلك يقول مضغوط بجدتعبت نفسيا انا حاليا حامل بعد تسقيطتين ومعاي نزيف الله يعزكم وقاعده ع اهلي ع ولدي ممنوعه من الحركه تماما لكن اللي قهرني انا تعبانه وقاعده ع اهلي اقوله صلح جوالي يقول ارسليه لي ومعه فلوس ما استحى من اهلي ولاهميته بجد قهههههر

اعذروني ع الاطاله فضفضت لكم تكفووووووووون والله محتاجه لكم بعدربي تكفووووون

تاريخ التسجيل : 03/01/2014

خواتي تكففففن احتاج خبرتكن بعدربي ام سوسو ولايهونون الباقيين تكفوووون فزعتكم

تاريخ التسجيل : 28/01/2013

حياااااك الله غاليتي

وان شاء الله تولدي وتقومي بالسلامه وانتي بصحة وعافيه انتي والمولود

اهم شي ريحي نفسك ولا تشيلي هم

مشكلتك مع زوجك المصروف والحمد لله انه يعطيك مبلغ شهري احسن من لاشي
انا معاك انه في هذا الوقت مايكفي وقليل ولكن مع التدبير ان شاء الله يكون فيه بركه
اللي فهمت منك ان مصروفك خاص لاشيائك الخاصه فيك وحدك

حاولي تعملي ميزانيه شهريه لكِ

امسكي ورقه وقلم واحصري متطلباتك الشهريه
مثلا لبس مكياج فاتوره هديه لصديقه او اهل
اللبس حاولي تاخذين وقت الخصومااات
الفاتوره اعتمدي البطاقات

اخرجي صدقه لو مبلغ قليل حتى يبارك الله فيه
حاولي توفرين منه لو مية ريال كل شهر واتركيها للطواري
لو تستثمرين فلوسك لو بشي بسيط يعني مشروع على قدك

مثلا تشترين مكياج وتبيعين على اللي حولك او عطور شي مايتعبك وهو يزيد مصروفك

ارجو اني افدتك باللي اقدر عليه

لكِ خالص ودي

تاريخ التسجيل : 25/05/2013

هلا فيك اختي بينا ...
وربي يقومك بالسلامه انت والنونو ان شاء الله ..

لاتكدرين نفسك..........وربي يبارك لك ولزوجك في مالكم ...ويرزقكم من اوسع ابوابه ..

وبعدين القناااعه كنز لا يفنى انا مصروفي ميتين واحيانا ثلاث..واقدر اوفر منها مو كل شهر سوق وملابس ومواعين ..
بالعكس بعض الشهور ما اصرف منها إلا خمسين ريال..
واشيل الباقي للأزمات ..والا لمشروعي الصغيرون هدايا ودروع ومفارش ..والحمدلله فيها بركة .
لأن الزوج إذا شافك تبذرين وتصرفينها على ملابس كل شهر مو معقوله ماينقهر والا على اشياء مالها داعي ولاهي ضرورية ..
يعني وين الملابس اللي الشهر الاول ممكن ما امدانا نلبس منها ..او الاغراض اللي جبناها ما امداها تخرب .
فحاولي تحصري احتياجاتك لان احنا يالحريم من طبعنا نحب نشتري ونشكل واكثر اللي ناخذه مانستخدمه.

موفقه اختي ...........ولاتزعلي من كلامي ..بس هذا واقعنا جميعا .
يجب حصر الاحتياجات .......والضروريات ...لامانع من امتاااع النفس قليلا لكي لا ندخل في دائرة البخل .لكن لا إفراط ولاتفريط.

اتمنى لك السعادة والراحة .........ولاتخلين الفلوس تسبب مشاكل بينك وبين زوجك...ممكن عنده ضروف ما تدرين عنها ..او في باله مشروع معين.
فكوني عون له وساعديه وتبنون مستقبلكم ومستقبل أبنائكم مع بعض .

تاريخ التسجيل : 03/01/2014

الله يحييكم ياعمري

آميين يارب

تسلمون ع المشوره الرائعه وشكرا لقلوبكم الكبيره